၂၀၁၄ ခုနှစ်၊ ဒီဇင်ဘာလ ၂၇ ရက်နေ့ နေ့လယ် ၁ နာရီအချိန် မကွေးတိုင်းဒေသကြီး၊ သရက် ခရိုင်၊ အောင်လံမြို့နယ်၊ မောင်းမလှုပ်ကျေးရွာနေသူ ကျေးရွာအထောက်အကူပြုကော်မတီဥက္ကဌ ဦးစောထွန်းနိုင်၊ ၃၈နှစ်၊ (ဖ)ဦးသောင်းတင် သည် နေအိမ်၌ရှိနေစဉ် ရွာမြောက်ပိုင်းရပ်နေသူ မြင့်စိုး၊ ၄၅နှစ်၊ (ဖ)ဦးတင်အေး၏နေအိမ် မီးလောင်နေကြောင်းသိရ၍ သွားရောက်ခဲ့ရာ မြင့်စိုး၏ သုံးပင်ပတ်လည် သက္ကယ်မိုး၊ ထရံကာ၊ ၀ါးကြမ်းခင်း မြေစိုက်အိမ် ခေါင်းရင်းတစ်ခြမ်း မီးလောင်ကျွမ်း နေသည်ကို တွေ့ရှိရ၍ ရွာသားများမှ ၀ိုင်းဝန်းငြိမ်းသတ်ခဲ့ရာ ၁ နာရီခွဲအချိန် မီးငြိမ်းသွားခဲ့ကြောင်း သိရှိရပါသည်။
မြင့်စိုးသည်အိပ်ယာအနီး သောက်လက်စ ဆေးပေါ့လိပ်အား ချထားပြီး အိပ်ပျော်သွားရာမှ နေအိမ် မီးကူးစက် လောင်ကျွမ်းရခြင်းဖြစ်ကြောင်း သိရှိရပြီး မီးလောင်မှုကြောင့် ၁၀၀၀၀၀ိ/-တန်ဘိုးခန့် မီးလောင် ဆုံးရှုံးခဲ့ကြောင်း၊ လူနှင့်တိရိစ္ဆာန် ထိခိုက်ဒဏ်ရာ ရရှိမှုမရှိကြောင်း သိရှိရပါသည်။ ဖြစ်စဉ်နှင့်ပတ်သက်၍ မီးအားပေါ့ဆစွာ သုံးစွဲသူ မြင့်စိုးအားအရေးယူပေးရန် ဦးစောထွန်းနိုင်မှ တရား လို ပြုလုပ်တိုင်တန်း သဖြင့် အောင်လံမြို့နယ်၊ ရွှေပန်းတော နယ်မြေရဲစခန်း (ပ)၆၄/၂၀၁၄၊ ပြစ်မှုပုဒ်မ ၂၈၅ အရ အမှုဖွင့် အရေးယူ ဆောင်ရွက်လျှက်ရှိကြောင်း သတင်းရရှိပါသည်။
9:58 AM
0 comments:
Post a Comment