3:38 PM
မကွေး ဇန်နဝါရီ ၂၇
မကွေးမြို့ရှိ ကိုယ်ပိုင်အထက်တန်းကျောင်းတစ်ကျောင်းဖြစ်သည့် MEC ကိုယ်ပိုင်အထက်တန်း ကျောင်း၏ ပညာရေးစုံညီပွဲတော်နှင့် ထူးချွန်ဆုချီးမြှင့်ပွဲကို ယမန်နံနက်(၉)နာရီက မကွေးမြို့ မြို့တော်ခန်းမတွင် စည်ကားသိုက်မြိုက်စွာ ကျင်းပခဲ့သည်။
MEC ကိုယ်ပိုင်အထက်တန်းကျောင်း ပညာရေးစုံညီပွဲတော်ကို MEC န၀မတန်း ကျောင်းသား ကျောင်းသူများက ဖူးပွင့်ဝေစီMEC သီချင်းဖြင့်သီဆိုဖွင့်လှစ်ပြီး တိုင်းဒေသကြီး ပညာရေးညွှန်ကြားရေးမှူး ဦးမြင့်သိန်းက အဖွင့်အမှာစကားပြောကြားခဲ့သည်။ ထို့နောက် MEC ကိုယ်ပိုင်အထက်တန်းကျောင်း တည်ထောင်သူ ဦးအောင်နိုင်ဝင်းမှ ကျင်းပပြုလုပ်ရခြင်းရည်ရွယ်ချက်၊ ကျောင်းသား/သူ အချင်းချင်း မိသားစု စိတ်ဓါတ်မွေးမြူတက်လာစေရန်နှင့် ပညာသင်နှစ် တစ်နှစ်တာအတွင်းမှာ ကြိုးစားအားထုတ်သင်ယူခဲ့ သူများအား အသိအမှတ်ပြု ဂုဏ်ပြုဆုချီးမြှင့်တဲ့ပွဲဖြစ်ကြောင်း စသည်ဖြင့်ပြောကြားပြီး MEC ကျောင်းမှ ကြီးကြပ်အုပ်ချုပ်သူ ဒေါ်ဝင်းရီမှ ကျောင်းလုပ်ငန်းစဉ်ဆောင်ရွက်မှုများနှင့် ပတ်သက်၍ ရှင်းလင်းပြောကြား ခဲ့သည်။
ဆက်လက်၍ ကျောင်းသား ကျောင်းများ၏ မိဘများကိုယ်စား မိဘတစ်ဦးမှ MEC ကိုယ်ပိုင် အထက်တန်းကျောင်း တိုးတက်ရာတိုးတက်ကြောင်း အကြံပြုဆွေးနွေးပြောကြားပြီး MEC ကျောင်းသား ကျောင်းသူလေးများက ဖျော်ဖြေရေးအစီအစဉ်များဖြင့် တင်ဆက်ရာ သွေးကစကားပြောသည်၊ ပုဂံအက အလှ၊မနောမြေတေးသံသာတေးသီချင်းများဖြင့် ကပြသီဆို ဖျော်ဖြေခဲ့ကြသည်။ ၄င်းနောက် ၂၀၁၄-၂၀၁၅ ပညာသင်နှစ် တက္ကသိုလ်ဝင်တန်းတွင် ထူးချွန်စွာအောင်မြင်သူများအား စလွယ်နှင့်ငွေသားဆု ချီးမြှင့်ခြင်း၊ နိုင်ငံတော်အဆင့် ဗဟိုအဆင့် သင်္ချာအိုလံပစ်ရရှိသူများ ဆုချီးမြှင့်ခြင်း၊၂၀၁၅-၂၀၁၆ တိုင်းဒေသကြီးအဆင့် အင်္ဂလိပ်စာ စွမ်းရည်ပြိုင်ပွဲနှင့်သင်္ချာအိုလံပစ်ပြိုင်ပွဲတွင်ဆုရရှိသူများအားဆုချီးမြှင့်ပေးအပ်ခြင်းနှင့် တက္ကသိုလ် ၀င်တန်းတွင် ထူးချွန်အောင်သင်ကြားပေးခဲ့သော ဆရာကြီး ဆရာမကြီးများအား အမှတ်တရ ဂုဏ်ပြု လက်ဆောင် ချီးမြှင့် ခြင်းများ ဆောင်ရွက်ခဲ့သည်။ ဆုများချီးမြှင့်ရာတွင် ၅ ဘာသာဂုဏ်ထူးရှင် မောင်လွင်ပိုင်ဦး ရမှတ်ပေါင်း(၅၂၆)မှတ်ရရှိပြီး တိုင်းဒေသကြီးအဆင့် ၉ ဖြင့်အောင်မြင်ခဲ့သူအား စလွယ်နှင့်ငွေသား ၆ သိန်း ချီးမြှင့်ခဲ့ပြီး၊ ၆ဘာသာ၊၅ ဘာသာဂုဏ်ထူးရှင်များအား စလယ်နှင့်ငွေသား ၃ သိန်းစီ၊၄ ဘာသာဂုဏ်ထူးရှင် များအား စလွယ်နှင့်ငွေသား ၂ သိန်းစီနှင့် ကျန်ဂုဏ်ထူးရှင်များနှင့် ထူချွန်စွာအောင်မြင်ခဲ့ကြသူများအား ထိုက်ထိုက်တန်တန်ချီးမြှင့်ခဲ့ကြောင်း သိရသည်။
အဆိုပါ MEC ကိုယ်ပိုင်အထက်တန်းကျောင်းကို ၂၀၁၃-၂၀၁၄ ပညာသင်နှစ်တွင် စတင်ဖွင့်လှစ်ခဲ့ပြီး အလယ်တန်း၊ အထက်တန်း ကျောင်းသား/သူ (၃၈၈)ဦး၊ ဆရာ/ဆရာမ (၄၂)ဦး ဖြင့် သင်ကြားပေးလျက်ရှိပြီး ၂၀၁၃-၂၀၁၄ပညာသင်နှစ်တွင် တကသိုလ်ဝင်တန်းစာမေးပွဲ အောင်ချက် (၅၂.၆%)၊ ၂၀၁၄-၂၀၁၅ ပညာသင်နှစ် တက္ကသိုလ်ဝင်တန်းစာမေးပွဲတွင် အောင်ချက် ( ၆၆.၆၆%) ရရှိခဲ့ကြောင်းနှင့်MEC ကိုယ်ပိုင် အထက်တန်းကျောင်းမှာ ၂၀၁၅-၂၀၁၆ ပညာသင်နှစ်အထိ အလယ်တန်းနှင့် အထက်တန်းအထိသာ ဖွင့်လှစ်ခဲ့သော်လည်း ၂၀၁၆-၂၀၁၇ပညာသင်နှစ်တွင် မူလတန်းအဆင့်ပါတိုးမြှင့် ဖွင့်လှစ်မည်ဖြစ်ကြောင်း သိရသည်။
0 comments:
Post a Comment