1:53 PM
၂၀၁၅ ခုနှစ်၊ ဧပြီလ ၂၆ ရက်နေ့ နံနက်(၉း၂၀)နာရီ အချိန်ခန့်တွင် မကွေးတိုင်းဒေသကြီး၊ မကွေးခရိုင်၊ နတ်မောက်မြို့နယ်၊ နတ်မောက် မြို့မရဲစခန်းမှ ရဲတပ်ဖွဲ့ဝင်များသည် နတ်မောက်-ပျော်ဘွယ် ကားလမ်း မိုင်တိုင်အမှတ် ၅၉/၇နှင့် ၆၀/၀ အကြား “လင်းသာ”ဓါတ်ဆီအရောင်းဆိုင်ရှေ့တွင် ယာဉ်တိမ်းမှောက် မှု ဖြစ်ပွားကြောင်းသတင်းအရ သွားရောက်စစ်ဆေးခဲ့ကြောင်း၊
စစ်ဆေးချက်အရ ပျော်ဘွယ်-နတ်မောက် ကားလမ်းအတိုင်း ပျော်ဘွယ်ဘက်မှ နတ်မောက်ဘက်သို့ နတ်မောက်မြို့နယ်၊ ဈေးသာကျေးရွာနေသူ ယာဉ်မောင်း အောင်ရွှေ (၂၄)နှစ် မောင်းနှင်ပြီး ယာဉ်ပေါ်တွင် တစ်ရွာတည်းနေ သိန်းမြင့် (၃၈)နှစ်နှင့် စိုးစိုး(၃၂)နှစ်တို့ လိုက်ပါလာသည့် ၉ဋ္ဌ/xxxx ထော်လာဂျီ အပြာရောင်ယာဉ်သည် အရှိန်မထိန်းနိုင်ဘဲ ကားလမ်း၏ အရှေ့ဘက်ရှိ ကန္တာရပင်အား ၀င်ရောက်တိုက်မိ သဖြင့် အောင်ရွှေနှင့် ယာဉ်ပေါ်ပါ ၂ ဦးတို့တွင် ဒဏ်ရာများရရှိခဲ့သဖြင့် ယာဉ်မဆင်မခြင် မောင်းနှင် သူ အောင်ရွှေအား နတ်မောက်မြို့နယ်၊ မြို့မရဲစခန်းယာဉ်(ပ)၂၂/၂၀၁၅၊ ပြစ်မှုဆိုင်ရာ ဥပဒေပုဒ်မ ၃၃၇/၃၃၈ အရ အမှုဖွင့် အရေးယူ ဆောင်ရွက်လျှက် ရှိကြောင်း သတင်းရရှိပါသည်။
0 comments:
Post a Comment