ဆိပ်ဖြူမြို့ပေါ်တွင် ခွင့်ပြုချက်မရှိဘဲ လောင်စာဆီလက်ဝယ်ထားရှိ ရောင်းချသူကို အရေးယူ

၂၀၁၅ ခုနှစ်၊ မတ်လ ၁၂ ရက်နေ့ နံနက် (၈) နာရီခွဲအချိန်ခန့်တွင် မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့၊ မြို့မရဲစခန်းမှ ရဲတပ်ဖွဲ့ဝင်များသည် သတင်းအရ သက်သေများ နှင့်အတူ ဆိပ်ဖြူမြို့၊ အနောက်ပိုင်းရပ်၊ အနော်ရထားလမ်း၊ ဘော်လုံးကွင်းတိုက်တန်းနေသူ ရွှေဇမ္ဘူ ကုန်စုံဆိုင်ပိုင်ရှင် ဦးသန်းဝင်းစိုး (၃၈)နှစ်၏ ကုန်စုံဆိုင်အတွင်း ၀င်ရောက်ရှာဖွေရာ ၆ ဂါလံဆံ့ ပလပ်စတစ်ဗူးများဖြင့် ထည့်လျက် ဓါတ်ဆီ(၂၇)ဂါလံ၊ (၁)လီတာဆံ့ ရေသန့်ဗူးဖြင့် ထည့်ထားသော ဓါတ်ဆီ (၅)ဗူးနှင့် ပလပ်စတစ်ဗူးဖြင့် ထည့်ထားသော ဒီဇယ်(၃)ဂါလံနှင့် ဆီရောင်းချရာတွင် အသုံးပြုသည့် ဆက်စပ် ပစ္စည်းများအား သိမ်းဆည်းရမိသဖြင့် တရားမ၀င် လောင်စာဆီများအား လက်ဝယ်ထားရှိ ရောင်းချသူ ဦးသန်းဝင်းစိုး အား ဆိပ်ဖြူမြို့နယ်၊ မြို့မရဲစခန်း (ပ)၁၂/၂၀၁၅ ရေနံအက်ဥပဒေပုဒ်မ ၂၃(၁)(က) အရ အမှုရေးဖွင့် ဆောင်ရွက်လျှက်ရှိကြောင်း သတင်းရရှိပါသည်။