မကွေးမြို့ပေါ်ရပ်ကွက်အတွင်း တရားမဝင် လောင်စာဆီရောင်းချနေသူအား အမှုဖွင့်အရေးယူ

၂၀၁၅ ခုနှစ်၊ ဖေဖော်ဝါရီလ ၂၆ ရက်နေ့ ညနေ (၄) နာရီခွဲအချိန်ခန့်တွင် မကွေးတိုင်းဒေသကြီး၊ မကွေး ခရိုင်၊ မကွေးမြို့၊ မြို့မရဲစခန်းမှ ရဲတပ်ဖွဲ့ဝင်များသည် သက်သေများနှင့်အတူ မကွေးမြို့၊ ကန်သာ ရပ်ကွက်နေသူ ဦးလှဝင်းဆွေ (၄၄)နှစ် ၏ နေအိမ်တွင် တရားမ၀င်လောင်စာဆီ ရောင်းချနေကြောင်း သတင်းအရ သွားရောက်စစ်ဆေးရှာဖွေရာ ရေသန့်ဗူးခွံဖြင့် ထည့်ထားသော ဓါတ်ဆီ(၉)ဗူး (တန်ဘိုး-၇၂၀၀ိ/-)၊ ဓါတ်ဆီ ရောင်းချရာတွင် အသုံးပြုသော ရေသန့်ဗူးခွံ(၂၁)လုံး၊ ဓါတ်ဆီထည့်ရာတွင် အသုံးပြုသော ပိုက်ပျော့ (၁)ချောင်းတို့အား တွေ့ရှိသိမ်းဆည်း ရမိကြောင်း သတင်းရရှိပါသည်။ 

တရားမ၀င်လောင်စာဆီ ရောင်းချသူ လှဝင်းဆွေ အား မကွေးမြို့နယ်၊ မြို့မရဲစခန်း (ပ) ၄၉/၂၀၁၅၊ လောင် စာဆီ အက်ဥပဒေပုဒ်မ ၂၃(၁)(ဂ)အရ အရေးယူ ဆောင်ရွက်လျှက်ရှိကြောင်း သိရှိရပါသည်။