ငွေး(၁)သိန်းကျပ်ဖြင့် ငှားရမ်းလိုက်သော ထော်လာဂျီယာဉ်အား ရောင်းစားလိုက်သူကို အရေးယူ

၂၀၁၅ ခုနှစ်၊ ဇန်န၀ါရီလ ၂၉ ရက်နေ့ နံနက်(၁၁း၀၀) အချိန် မကွေးတိုင်းဒေသကြီး၊ မကွေးခရိုင်၊ မကွေးမြို့၊ မြို့ဟောင်းအမှတ်(၂)ရပ်ကွက်၊ ခိုင်ရွှေဝါလမ်း၊ အမှတ်(၁၄၅)နေသူ လှထက်လှ အုတ်သဲကျောက်လုပ်ငန်း ကုမ္ပဏီ မန်နေဂျင်းဒါရိုက်တာ ဦးအောင်စိုး (၄၄)နှစ်သည် နေအိမ်၌ရှိနေစဉ် ကုမ္ပဏီ ပိုင်ဆိုင်သော ၉ဌ/၂၁၀၂၄၊ (၄)လုံးထိုး ထော်လာဂျီ အပြာရောင်ယာဉ်အား ကင်းကျောက်ကုန်းရပ်ကွက်နေသူ ထော်လာဂျီ ယာဉ်မောင်း အောင်ကို(၂၄)နှစ်သည် မကွေးမြို့မှ ရေနံချောင်းမြို့သို့ တာယာများတင်ဆောင်ပြီး သွားပို့ရန် အတွက် တစ်ညအိပ်နှစ်ရက် ကို ငွေကျပ်(၁)သိန်းဖြင့် ငှားရမ်းသဖြင့် ယုံကြည်မှုဖြင့် ငှားရမ်းပေး လိုက် ကြောင်း၊

အောင်ကိုမှ ထော်လာဂျီအား ဟဲဟိုးမြို့နေ ဦးရွှေတောင် ဆိုသူထံသို့ ငွေကျပ် ၂၄၅၀၀၀၀ိ/- ဖြင့် ရောင်း စားလိုက်ကြောင်း မကွေးမြို့နေ ရွှေကျီး တာယာဆိုင်ပိုင်ရှင်၏ ပြောပြချက်အရ သိရှိရသဖြင့် ယုံကြည်စွာ ငှားရမ်းလိုက်သော ထော်လာဂျီ ယာဉ်ကို အလွဲသုံးစားပြုလုပ်ရောင်းချ သူ အောင်ကိုအား အရေးယူပေးပါရန် ၂၈.၁.၂၀၁၅ ရက်နေ့ တွင် ဦးအောင်စိုးမှ တရားလိုပြုလုပ် တိုင်တန်းသဖြင့် မကွေးမြို့နယ်၊ မြို့မရဲစခန်း (ပ)၂၆/၂၀၁၅၊ ပြစ်မှုပုဒ်မ ၄၀၆ အရ အမှုဖွင့် အရေးယူ ဆောင်ရွက်လျှက် ရှိကြောင်း သတင်းရရှိပါသည်။