မြေစာပင်ကလေးများ မဖြစ်စေလိုပါ. ( ဆောင်းပါး )

             ယခုတလော တက္ကသိုလ်ကျောင်းသားများကို မည်သည့်ပုဂ္ဂိုလ်များက ရှေ့တန်းတင်ပေးသည်မသိ၊ လူငယ်ကျောင်းသားများ တိုက်ပွဲဝင်လိုသည့်စိတ် ရှိနေသည့်ပုံ တွေ့ရသည်။ ပညာရေးစနစ်ဆိုင်ရာ ပြုပြင်ပြောင်းလဲရေး နိုင်ငံလုံးဆိုင်ရာကွန်ယက် NNER ဆိုသည့်အဖွဲ့ကို ဖွဲ့စည်းပြီး ပြည်ထောင်စုလွှတ်တော်က အတည်ပြုပြဋ္ဌာန်းထားသော အမျိုးသားပညာရေးဥပဒေကို အတင်းငြင်းဆန် ကန့်ကွက်နေကြသည်။ ကျွန်ုပ်သိသည်က အဆိုပါအမျိုးသားပညာရေးဥပဒေကို နိုင်ငံခြားပြန် ပညာရှင်များ၊ မြန်မာနိုင်ငံ တက္ကသိုလ်အသီးသီးတွင် အတွေ့အကြုံရင့် အငြိမ်းစားပညာရှင်များ၊ တာဝန်ထမ်းဆောင်ဆဲ ပညာရှင်များမှ အကြိမ်ဖန်များစွာဆွေးနွေးပြီး တိုင်းဒေသကြီး/ပြည်နယ်များတွင်ရှိသည့် တက္ကသိုလ်ကြီးများတွင် လူထုလူတန်းစားအလွှာပေါင်းစုံ၊ ပါတီအဖွဲ့အစည်းများကို ဖိတ်ခေါ်ဆွေးနွေးကာ ကျွန်ုပ်တို့နိုင်ငံနှင့် သင့်လျော်ကောင်းမွန်သော မူဝါဒချမှတ်၍ ဥပဒေရေးဆွဲထားကြောင်း နားလည်ရပါသည်။ နိုင်ငံတော်သမ္မတကလည်း နည်းဥပဒေရေးဆွဲပြဋ္ဌာန်းရာတွင် လူတိုင်းအကျုံးဝင်ပညာရေး၊ ကျောင်းသားထု ယူနီယံဖွဲ့စည်းခွင့်ကဲ့သို့သောအချက်များ ပါဝင်အောင် ရေးဆွဲရေးအကြံပြုပြောကြားထားသည်ဖြစ်ရာ ပညာရှင်များအနေဖြင့်လည်း အားလုံးပါဝင်လုပ်ဆောင်လာနိုင်သည့် အခြေအနေဖန်တီးနိုင်အောင် ဆွေးနွေးပြုစုလျက်ရှိကြောင်း သိရပါသည်။
              သို့သော်လည်း မြန်မာနိုင်ငံသားများ စနစ်တကျ စည်းကမ်းရှိရှိ၊ ပညာတတ်ပြီးဖွံ့ဖြိုးတိုးတက် သွားမည်ကို မလိုလားသောသူများက အတွေ့အကြုံ၊ အသက်အရွယ် နုနယ်သော ကျောင်းသားလူငယ်များကို သွေးခွဲ၍ အစိုးရလုပ်တာမှန်သမျ ကန့်ကွက်ကြ ဆိုသည့်ပုံစံကို ဖေါ်ကျူးနေကြောင်း တွေ့ရပါသည်။ ခေတ်အဆက်ဆက်တွင်လည်း အဖျက်အမှောက်လမ်းစဉ်တွင် အစိုးရလုပ်ရပ်များကို မလိုလားသူ (ဆန့်ကျင်/အတိုက်အခံလုပ်သူ)များက ကျောင်းသားလူငယ်များကို ပစ်မှတ်ဖြစ်စေရန် သားကောင်အဖြစ်သရုပ်ဆောင်ခိုင်းသည်ကို သမိုင်းစာမျက်နှာများ ပြန်လှန်ကြည့်လျှင် တွေ့နိုင်ပါသည်။
              လက်ရှိတက္ကသိုလ်များသည် နှစ်ပေါင်းများစွာ နိုင်ငံတော်ထောက်ပံ့မှုဖြင့် ရပ်တည်နေခဲ့သည်ဖြစ်ရာ နိုင်ငံတော်၏ပညာရေးမူဝါဒနှင့် မလွတ်အောင်ညှိနှိုင်းရန် ဗဟိုမှပဲ့ကိုင်အဖွဲ့တစ်ဖွဲ့ လိုအပ်သလို မျှတသော ရုပ်ဝတ္ထု၊ ပညာရှင်များများပြည့်စုံစွာ ကိုယ်ပိုင်ရပ်တည်နိုင်အောင် နိုင်ငံတော်ပံ့ပိုးမှုကို ဖြတ်တောက်ပစ်လို့မရနိုင်သေးပါ။ တက္ကသိုလ်များအလိုက် လွတ်လပ်စွာစီမံခန့်ခွဲခွင့်ရနိုင်သော်လည်း အမျိုးသားပညာရေးမူဝါဒကို သွေဖယ်သွားသည်အထိ လွတ်လပ်စွာ စီမံခန့်ခွဲခွင့်မပြုသင့်ပါ။
             ကျောင်းသား၊ ကျောင်းသူများ အသက်အရွယ်၊ အချိန်ကာမရွေး မိမိစိတ်ဝင်စားသော ဘာသာရပ်နှင့် တက္ကသိုလ်ကို လွတ်လပ်စွာရွေးချယ်နိုင်သော်လည်း ထိုဘာသာရပ်၊ တက္ကသိုလ်နှင့် သတ်မှတ်စံနှုန်းများကိုတော့ ကျောင်းသား၊ ကျောင်းသူများကိုယ်တိုင် ကိုက်ညီဖို့လိုပါသည်။ ကျောင်းများထဲတွင် ဘာသာရေး၊ နိုင်ငံရေးများ ဝင်ရောက်စွက်ဖက်သည်နှင့် ငြိမ်းချမ်းစွာ ပညာသင်ကြားလိုသူများအတွက် အနှောင့်အယှက်မဖြစ်စေရ ဟု ဖေါ်ပြထားသည်ကို ဝေဖန်မှုပြုမည်ဆိုလျှင် ယခုလို အရေးများမပါဘဲ ကျောင်းသားများ ပညာရေးကိုသာဦးစားပေးနိုင်အောင် တာဝန်ယူ၊ တာဝန်ခံဖို့တော့ လိုအပ်မည်ဖြစ်သည်။
            ကျောင်းသားများ စာသင်ချိန်တွင် စာကိုသာ ကောင်းကောင်း နားလည်တတ်ကျွမ်းအောင် ပျော်ပျော်ရွှင်ရွှင်ဖြင့် လူငယ်သဘာဝအတိုင်း ကျောင်းနေပျော်၍ စာတော်စေလိုပါသည်။ ကျောင်းသားဘဝ လွန်မြောက်၍ ပညာရေးကို အသာထားပြီး ကျန်သောအရေးများကို ဆောင်ရွက်ချင်သပဆိုလျှင် ကျွန်ုပ်တို့အနေဖြင့် ဝေဖန်မှု မပေးလိုပါ။ သို့သော်လည်း နိုင်ငံရေးအကြောင်းပြ ကိုယ်ပိုင်ခံစားချက်သီးသန့်ကို ဘာအရေး၊ ညာအရေးများနှင့် ရောပြွမ်းပြီး အမှန်တကယ် ကျောင်းတက်၍ ပညာရေးကို ဆုံးခန်းတိုင်အောင် ကြိုးစားအားထုတ်နေရသူများအတွက် အချိန်များစွာ၊ ငွေများစွာ ပေးဆပ်နေရသည်ကို ယခုထက်ပိုမိုကုန်ကျပြီး ပိုမိုကြရှည်သည့် ပညာရေးမဖြစ်ဖို့၊ ကျောင်းသားလူငယ်များကို မြေစာပင်မဖြစ်စေဖို့ လူကြီးမိဘများက ဝိုင်းဝန်းထိန်းသိမ်းကြရမည်ဖြစ်ပြီး ကျောင်းသားများကလည်း ဆရာများထံ မိမိတို့လုပ်ဆောင်လိုသည်များကို တင်ပြဆွေးနွေးခြင်းဖြင့် မြေစာပင်ဘဝမှ လွတ်မြောက်ပါစေကြာင်း ရေးသားတင်ပြလိုက်ရပါသည်။

                                                                                           အိုင်ဗလိုင်း