ယာဉ်မတော်တဆမှုများ လျော့နည်းစေရန်ဆောင်ရွက်မည်

မကွေး အောက်တိုဘာ ၂၈
        ပြည်ထောင်စုမြန်မာနိုင်ငံတော်အတွင်း အဖက်ဖက်မှတိုးတက်လာသော လမ်းပန်းဆက် သွယ်ရေး နှင့်အတူ မြို့နယ်ကျေးရွာများအထိကျယ်ပြန့်ရောက်ရှိလာသော ဆိုင်ကယ်၊ ကား၊ သုံးဘီး၊ ထော်လာဂျီ စက်တပ်ယာဉ်များအသုံးပြုမှု များပြားလာလျှက်ရှိပြီး ယာဉ်မတော်တဆမှုနှုန်းများလည်း မြင့်တက်လာလျှက်ရှိကြောင်း သိရသည်။
        မြန်မာနိုင်ငံ၌ ၂၀၁၁ခုနှစ်တွင် ယာဉ်စီးရေ(၂၃)သိန်းရှိခဲ့ပြီး ၂၀၁၂ခုနှစ်တွင်
(၃၆)သိန်းခန့် ၊ ၂၀၁၃ခုနှစ်တွင် သိန်း(၄၀)ကျော်ခန့်အထိတိုးပွားလာကြောင်း
ဌာနဆိုင်ရာမှတ်တမ်းများအရ သိရသည်။ ထို့အတူ ၂၀၁၁ခုနှစ်တွင် ယာဉ်တိုက်
မှုပေါင်း တစ်သောင်းကျော်၊ ၂၀၁၂ခုနှစ်တွင်ယာဉ်တိုက်မှုပေါင်း တစ်သောင်း
တစ်ထောင်ကျော် ၊၂၀၁၃ခုနှစ်တွင်ယာဉ်တိုက်မှုပေါင်း တစ်သောင်းသုံးထောင်ကျော်
 ဖြစ်ပွားခဲ့ ပြီးယာဉ်အန္တရာယ်ကြောင့် ထိခိုက်ဒဏ်ရာရမှုနှင့်သေဆုံးမှုများ မြင့်တက်လာခဲ့သည်။
ရန်ကုန်-မန္တလေး အမြန်လမ်းမကြီးတွင် ၂၀၁၂ခုနှစ်က ယာဉ်မတော်တဆထိခိုက်မှုပေါင်း (၁၀၃)ကြိမ်ဖြစ်ပွားခဲ့ပြီး ၂၀၁၃ခုနှစ် တွင် (၂၅၉)ကြိမ်အထိ ဖြစ်ပွားခဲ့သည်။
        ကမ္ဘာတစ်ဝှမ်းလုံးတွင် ကျန်းမာရေးပြဿနာများထက် ယာဉ်တိုက်မှုကြောင့်
 သေဆုံးဒဏ်ရာ ရမှုက ပိုများနေကြောင်း ၊ အသက်(၅)နှစ်မှ(၂၉)နှစ်ကြား ကလေးများနှင့်
လူငယ်များ အများဆုံးသေကြေ နေရခြင်းဖြစ်ကြောင်း ၊ အဆိုပါသေဆုံးမှုနှုန်းများသည် စစ်ပွဲနှင့်ရောဂါဘယများကြောင့် သေဆုံးရခြင်းထက် ပိုများနေကြောင်း WHO နှင့်
ကမ္ဘာ့ဘဏ်တို့မှ ယာဉ်တိုက်မှုဆိုင်ရာ ထုတ်ပြန်ချက်များအရ သိရသည်။
        မကွေးမြို့၌ ၂၀၁၃ခုနှစ်အတွင်း ယာဉ်တိုက်မှု ၁၀၆မှု၊ သေဆုံးသူ ၂၄ဦး ၊ထိခိုက်
ဒဏ်ရာရသူ ၂၁၄ဦး ၊တန်ဖိုးငွေကျပ်၁၅၄၀၉၀၀၀ ဆုံးရှုံးမှုဖြစ်ပေါ်ခဲ့ပြီး ၂၀၁၄ခုနှစ် ဇန်န၀ါရီလမှစက်တင်ဘာ လကုန်အထိ ယာဉ်တိုက်မှု ၆၈မှု၊ သေဆုံးသူ ၁၃ဦး၊ ထိခိုက်
ဒဏ်ရာရသူ ၁၄၀ဦး ၊ တန်ဖိုးငွေကျပ် ၇၄၆၀၀၀၀ ဆုံးရှုံးမှုများဖြစ်ပေါ်ခဲ့သည်။မကွေး
တိုင်းဒေသကြီး တစ်ခုလုံးအတွင်း၌ ၂၀၁၃ခုနှစ်အတွင်း ယာဉ် မှုခင်း ၁၀၈၆မှု ၊
 သေဆုံးသူ ၂၈၈ဦး ၊ထိခိုက်ဒဏ်ရာရရှိသူ ၂၁၁၇ဦး ၊တန်ဖိုးငွေကျပ် ၉၀၃၁၄၀၀၀
 ဆုံးရှုံးမှုဖြစ်ပေါ်ခဲ့ပြီး ၂၀၁၄ခုနှစ် ဇန်န၀ါရီလ မှ စက်တင်ဘာလကုန်အထိ ယာဉ်မှုခင်း ၉၁၆မှု
၊သေဆုံးသူ ၂၁၉ဦး ၊ထိခိုက်ဒဏ်ရာရရှိသူ ၁၉၅၄ဦး ၊တန်ဖိုးငွေကျပ် ၇၇၀၃၅၀၀၀ ဆုံးရှုံးခဲ့ရကြောင်း သိရသည်။
        ခေတ်ကာလ၏ ပြောင်းလဲတိုးတက်လာမှုကြောင့် ယာဉ်အသုံးပြုမှုကို ပိတ်ပင်တားဆီး၍
ရမည်မဟုတ်ပဲ ယာဉ်အသုံးပြုပြည်သူများအား International Traffic Control Five“E” System (အပြည် ပြည်ဆိုင်ရာ ယာဉ်ထိန်းသိမ်းခြင်းနည်းစနစ် ၅မျိုး ) အရ Education System (ပညာပေးနည်းစနစ်) ၊ Engineering System(အင်ဂျင်နီယာနည်းစနစ်) ၊Enforcement System(စစ်ဆေးအရေးယူဆောင်ရွက် ခြင်းနည်းစနစ်) ၊Emergency Medical Service System (အရေးပေါ် ဆောင်ရွက်ခြင်းနည်းစနစ် ) ၊ Environment System( ပတ်ဝန်းကျင်အခြေအနေဆိုင်ရာများ ထိန်းသိမ်းခြင်းနည်းစနစ်) များအသုံးပြုကာ ယာဉ်အန္တရယ်လျော့ကျရေး ဆောင်ရွက်သွားမည်ဖြစ်ကြောင်း မကွေးယာဉ်ထိန်းတပ်ဖွဲ့ တာဝန်ရှိသူတစ်ဦး၏ ပြောကြားချက်အရ သိရသည်                                                                                                                           ဇေယျတု(မကွေး)