3:06 PM
အောင်လံ မတ် ၈
မကွေးတိုင်းဒေသကြီး သရက်ခရိုင် အောင်လံမြို့ တရော်ကုန်းရပ်ကွက်ရှိ မီးရထားလမ်း အနောက်ဘက်
တွင် မတ်လ(၈)ရက်နေ့ နေ့လည်(၃း၀၅)နာရီအချိန်က လူနေအိမ်တစ်လုံး မီးလောင်ကျွမ်းမှုဖြစ်ပွားခဲ့သည် ။ ဖြစ်စဉ်မှာ တရော်ကုန်းရပ်ကွက်တွင်နေထိုင်သူ ဦးစန်းယုတို့ မိသားစုသည် နေအိမ်၏ တောင်ဘက်နှင့် အရှေ့တောင်
ဘက်တို့တွင် ဇီးကိုင်းခြောက်များကို စုပုံထားလေ့ရှိပြီး ၊ ၎င်းတို့၏ အရှေ့ဘက်တွင် မီးရထားလမ်းနှင့် လှည်းလမ်းတို့ ရှိရာ လမ်းသွားလမ်းလာများမှလွှင့်ပစ်သော ဆေးလိပ်မီးမှ စတင်လောင်ကျွမ်းခြင်းဖြစ်နိုင်ပြီး ဦးစန်းယု၏ မြေစိုက် ၀ါးကြမ်းခင်း ၀ါးထရံကာ သွပ်မိုး (၃)ပင်အိမ် တန်ဖိုး(၃၀၀၀၀၀)ကျပ်ခန့် မီးလောင်ဆုံးရှုံးခဲ့ရသည် ။
အခင်းဖြစ်ပွားရာသို့ မြို့နယ်အုပ်ချုပ်ရေးမှူး ဦးသိန်းဆင့် ၊ မြို့နယ်ရဲတပ်ဖွဲ့မှူး ရဲမှူးတင်ကိုကိုနှင့်တပ်ဖွဲ့ဝင်များ
မီးသတ်ဦးစီးမှူး ဦမင်းသိမ်းထွန်းနှင့် မီးသတ်တပ်ဖွဲ့ဝင်များ အရံမီးသတ်တပ်ဖွဲဝင်များ ၊ တိုင်းဒေသကြီးလွှတ်တော်
ကိုယ်စားလှယ် ဦးအေးကျော်နှင့် ရပ်ကွက်အုပ်ချုပ်ရေးမှူး ဦးဇော်ထွန်းတို့မှ မြို့နယ်မီးသတ်ယာဉ်(၂)စီး ၊ ရပ်ကွက်မီးသတ်ယာဉ်(၆)စီး စုစုပေါင်း(၈)စီးတို့ဖြင့် ၀ိုင်းဝန်းငြိမ်းသတ်နိုင်ခဲ့ပြီး မီးလောင်လွယ်စေတတ်သော အရာဝတ္ထုများကို နေသားတကျမထားပဲဖြစ်စေ ပေါ့လျှော့မှုကြောင့်ဖြစ်စေ ပျက်ကွက်ခဲ့သူ ဦးစန်ယု (ဘ) ဦးညီမောင်အား အောင်လံမြို့မရဲစခန်းမှ အမှုဖွင့် အရေးယူထားကြောင်းသတင်းရရှိသည်။
0 comments:
Post a Comment