ဆိုင်ကယ်မှ လမ်းပြောင်းပြန်မောင်းနှင်မှုကြောင့် ကားအား မျက်နှာချင်းဆိုင်ဝင်ရောက်တိုက်မိ

၂၀၁၅ ခုနှစ်၊ ဇန်န၀ါရီလ ၃၀ ရက်နေ့ ညနေ (၅)နာရီခွဲအချိန်ခန့်တွင် မကွေးတိုင်းဒေသကြီး၊ သရက်ခရိုင်၊ ကံမမြို့မရဲစခန်းမှ ရဲတပ်ဖွဲက၀င်များသည် ကံမ-ပြည်ကားလမ်း၊ မိုင်တိုင်အမှတ် ၁၁/၇ နှင့် ၁၂/၀ အကြားတွင် ယာဉ်တိုက်မှုဖြစ်ပွားကြောင်း သတင်းအရ သက်သေများနှင့်အတူ သွားရောက် စစ်ဆေးခဲ့ကြောင်း သိရှိရပါသည်။

ဖြစ်စဉ်မှာ ကံမမြို့မှ ပြည်မြို့ဘက်သို့ ကံမမြို့နယ်၊ လိန်ကုန်းကျေးရွာနေသူ စိုင်းမောင်မောင် (၁၈)နှစ် မောင်းနှင်ပြီး နောက်တွင် ဖခင်ဖြစ်သူ ဦးဌေး(၅၂)နှစ် လိုက်ပါလာသော ၃၀ယ/xxxxx မာဘို-၁၁၀ အနက်ရောင် ဆိုင်ကယ်သည် ကုန်းအတက်တွင် လမ်းပြောင်းပြန်မောင်းတက်စဉ် မျက်နှာချင်းဆိုင်မှ ယာဉ်မောင်း သက်လွင် မောင်းနှင်လာသော ယာဉ်အမှတ် ၉ယ/xxxx ပါဂျဲရိုး ငွေမှင်ရောင် မော်တော်ယာဉ် ၏ ၀ဲဘက်ရှေ့ မီးလုံးအား ၀င်ရောက်တိုက်မိပြီး ဆိုင်ကယ်တိမ်းမှောက်၍ ဦးဌေးတွင် ဦးခေါင်း ၀ဲဘက်ခြမ်း ပေါက်ပြဲဒဏ်ရာ၊ ၀ဲဘက်ခြေသလုံး ပွန်းခြစ်ဒဏ်ရာ၊ ယာဒူးခေါင်း အောက် ပွန်းခြစ်ဒဏ်ရာ တို့ရရှိခဲ့ကြောင်း သိရှိရပါသည်။ 

ဆိုင်ကယ် မဆင်မခြင်မောင်းနှင်သူ စိုင်းမောင်မောင် အား ကံမမြို့နယ်၊ မြို့မရဲစခန်း ယာဉ်(ပ) ၃/၂၀၁၅၊ ပြစ်မှုဆိုင်ရာဥပဒေပုဒ်မ ၃၃၇ အရ အရေးယူ ဆောင်ရွက်လျက် ရှိကြောင်း သတင်းရရှိပါသည်။