အောင်လံမြို့နယ်တွင် အလိုမတူဘဲ သားမယားအဖြစ် ပြုကျင့်သူကို အရေးယူ

၂၀၁၅ ခုနှစ်၊ ဇန်န၀ါရီလ ၂၆ ရက်နေ့ နံနက် ၈ နာရီခွဲအချိန်ခန့်တွင် မကွေးတိုင်းဒေသကြီး၊ သရက်ခရိုင်၊ အောင်လံမြို့နယ်၊ ရွှေပန်းတောနယ်မြေရဲစခန်း မှ ရဲတပ်ဖွဲ့ဝင်များသည် ရဲစခန်း၏ အရှေ့ ဘက် (၁၂)မိုင်ခန့် အကွာ တင်းတောကျေးရွာနေသူ မxxxx (၂၄)နှစ်အား အောင်လံ မြို့နယ်၊ ထောက်ကြံ့ တိုင်းကျေးရွာနေသူ မြန်မာဆေးဆရာ သန်းဦး၊ ၄၇ နှစ်မှ သားမယား အဖြစ်ပြုကျင့် ကြောင်း ရဲစခန်းသို့ လာရောက်တိုင်တန်းသဖြင့် သက်သေများနှင့်အတူ အခင်းဖြစ်ရပ်သို့ သွားရောက် စစ်ဆေးခဲ့ကြောင်း သိရှိရပါသည်။
ဖြစ်စဉ်မှာ ၂၀၁၄ ခုနှစ်၊ ဒီဇင်ဘာလ ၂၈ ရက်နေ့တွင် မxxxx ၏ မိခင်ဖြစ်သူ မကျန်းမာ သဖြင့် ဆေးကုသရန် ရောက်ရှိနေသော သန်းဦးသည် မxxxx အား ဓမ္မတာမမှန်၍ ၂၀၁၅ ဇန် ၂၀ ရက်နေ့ တွင် ဆေးကုသ ပေးခဲ့ပြီး သန်းဦးမှ ရွာ၏ အရှေ့ဘက်ချောင်း တစ်ဖက်ကမ်းရှိ ဦးကျော်ဆန်း ၏ နေအိမ်၌ ဆေးကုသပါက လွတ်လပ်စွာ ကုသနိုင်ကြောင်း ပြောဆိုကာ မxxxxအား ခေါ်ဆောင်၍ ဦးကျော်ဆန်း၏ နေအိမ်တွင် ညအိပ်ဆေးကုသ ပေးခဲ့ကြောင်း၊ ၂၀၁၅ ခုနှစ်၊ ဇန်န၀ါရီလ ၂၃ ရက်နေ့ ည ၈ နာရီအချိန်ခန့်တွင် သန်းဦးမှ ဦးကျော်ဆန်းအား ရွာတောင်ပိုင်းသို့ လူနာစောင့်ရန် စေလွှတ်ခဲ့ပြီး ည ၁၁ နာရီအချိန်ခန့်တွင် ဦးကျော်ဆန်း၏ နေအိမ်ရှေ့ကြမ်းပြင်တွင် မxxxxမှာ တစ်ရွာတည်းနေ သူငယ်ချင်း မိန်းကလေးဖော်နှင့်အတူ သန်းဦး တို့ အိပ်နေစဉ် သန်းဦးမှ မxxxxအား အလိုမတူဘဲ သားမယားအဖြစ် (၁)ကြိမ် ပြုကျင့်ခဲ့ ကြောင်း၊ အခင်း ဖြစ်ပွားစဉ်တွင် သူငယ်ချင်းဖြစ်သူမှာ အိပ်ပျော်နေကြောင်း၊ ၂၀၁၅ ခုနှစ်၊ ဇန်န၀ါရီလ ၂၄ ရက်နေ့တွင် မxxxx မှ မိဘနေအိမ်သို့ ပြန်လည်ရောက်ရှိစဉ် အဆိုပါကိစ္စနှင့် ပတ်သက်၍ ပြန်လည်ပြောပြ တိုင်ပင်ပြီး ရဲစခန်းသို့လာရောက် တိုင်တန်းခဲ့ခြင်း ဖြစ်ကြောင်း သိရှိရပါသည်။

ဖြစ်စဉ်နှင့်ပတ်သက်၍ အလိုမတူဘဲ သားမယားအဖြစ်ပြုကျင့်သူ သန်းဦးအား ဥပဒေအရအရေးယူ ပေးပါရန် မxxxxမှ တရားလိုပြုလုပ်တိုင်တန်းသဖြင့် ၂၀၁၅ခုနှစ်၊ ဇန်န၀ါရီလ ၂၆ ရက်နေ့တွင် ရွှေပန်းတော နယ်မြေရဲစခန်း(ပ)၇/၂၀၁၅၊ ပြစ်မှုဆိုင်ရာဥပဒေပုဒ်မ ၃၇၆ အရ အမှုဖွင့်အရေးယူ ဆောင်ရွက်လျှက် ရှိကြောင်း သတင်းရရှိပါသည်။