7:53 AM
၂၀၁၅ ခုနှစ်၊ ဇန်န၀ါရီလ ၃၀ ရက်နေ့ နံနက် ၇ နာရီအချိန်ခန့်တွင် မကွေးတိုင်းဒေသကြီး၊ ပခုက္ကူခရိုင်၊ ပေါက်မြို့နယ်၊ ကိုင်းလယ် ရဲကင်းစခန်းမှ ရဲတပ်ဖွဲ့ဝင်များသည် ဇီးဂျောင်းကုန်း တောထဲ တွင် အမျိုးသမီး အလောင်း တစ်လောင်းတွေ့ရှိကြောင်း တောင်ချိုရွာအုပ်ချုပ်ရေးမှူး ဦးဝင်းနိုင်မှ ဖုန်းဖြင့် ဆက်သွယ် အကြောင်းကြားချက်အရ သက်သေများနှင့်အတူ သွားရောက် စစ်ဆေးခဲ့ကြောင်းသိရှိရပါသည်။
သေဆုံးသူမှာ ပေါက်မြို့နယ်၊ တောင်ချိုကျေးရွာနေသူ မမြို့ကြည်(၄၉) နှစ် ဖြစ်ကြောင်း၊ အတက်ရောဂါရှိပြီး စိတ်ပုံမှန် မဟုတ်သူ ဖြစ်ကြောင်း သိရှိရပြီး ရွာ၏အရှေ့ဘက် ဇီးဂျောင်းကုန်း တောသို့ သပြေပန်းချိုး သွားရာမှ ပြန်လည်ရောက်ရှိ လာခြင်း မရှိကြောင်း၊ သေဆုံးသူ ၏ တူတော်စပ်သူ ကျော်လင်းဌေးမှ ၃၀.၁.၂၀၁၅ ရက်နေ့ နံနက် ၆ နာရီအချိန်ခန့်တွင် ဇီးဂျောင်းကုန်း တောထဲသို့ ထင်းခွေရန် သွားစဉ် အမျိုးသမီးအလောင်း တစ်လောင်းအား မှောက်လျှက် အနေအထားဖြင့် ပုတ်ပွသည့်အနံ့များ ထွက်နေ သည်ကို တွေ့ရှိရကြောင်း ကျေးရွာ အုပ်ချုပ်ရေးမှူး ထံ ပြောပြခဲ့ကြောင်း သိရှိရပါသည်။
မမြို့ကြည် သေဆုံးခြင်းမှာ ဓမ္မတာအတိုင်း သေဆုံးခြင်း ဟုတ်/မဟုတ် စုံစမ်းစစ်ဆေးနိုင်ရန် ပေါက်မြို့နယ်၊ မြို့မရဲစခန်း၊ သေမှုသေခင်း အမှတ်စဉ် (၁/၂၀၁၅)ဖြင့် ရေးဖွင့် ဆောင်ရွက် ထားရှိကြောင်း သတင်းရရှိပါသည်။
0 comments:
Post a Comment