12:38 PM
၂၀၁၅ ခုနှစ်၊ ဇန်န၀ါရီလ ၂၇ ရက်နေ့ ညနေ ၅ နာရီခွဲအချိန်ခန့်တွင် မကွေးတိုင်းဒေသကြီး၊ သရက်ခရိုင်၊ မင်းတုန်းမြို့နယ်၊ မင်းတပ်ကျေးရွာနေ ဦးကျော်ဝင်း ပိုင်ဆိုင်သော ရွာအရှေ့ဘက် (၁)မိုင်ခန့် အကွာတွင် ရှိသည့် လူမနေ လယ်စောင့်တဲနှင့်အတူ အမည်မသိ လူတစ်ဦး မီးလောင်ကျွမ်း သေဆုံး နေကြောင်း ဖုန်းဖြင့်အကြောင်း ကြားချက်အရ အလယ်ချောင်း နယ်မြေရဲစခန်းမှ ရဲတပ်ဖွဲ့ဝင်များသည် သက်သေ များနှင့်အတူ အခင်းဖြစ် အရပ်သို့ သွားရောက်စစ်ဆေးခဲ့ကြောင်း သိရှိရပါသည်။
မီးလောင်ကျွမ်းသေဆုံးသူမှာ အသက်(၃၀)ခန့်ရှိ အမျိုးသားတစ်ဦး ဖြစ်ကြောင်းနှင့် ၄င်းသည် လွန်ခဲ့သော (၂)ရက်ခန့်ကမှ မင်းတပ် ကျေးရွာသို့ ရောက်ရှိလာသော စိတ်ကျန်းမာရေးမကောင်းသူ ဖြစ်ကြောင်း စုံစမ်း သိရှိရပြီး ၄င်းသေဆုံးခြင်းမှာ ဓမ္မတာအတိုင်း သေဆုံးခြင်း ဟုတ်/မဟုတ် စုံစမ်း စစ်ဆေးနိုင်ရန် မင်းတုန်း မြို့နယ်၊ အလယ်ချောင်းနယ်မြေရဲစခန်း သေမှုသေခင်း အမှတ်စဉ် (၁/၂၀၁၅) ဖြင့် ရေးဖွင့် ဆောင်ရွက် လျက် ရှိကြောင်း သတင်းရရှိပါသည်။
0 comments:
Post a Comment