၂၀၁၄ ခုနှစ်၊ ဇူလိုင်လ ၃၁ ရက်နေ့ နံနက် ၁၁ နာရီအချိန်ခန့် မကွေးတိုင်းဒေသကြီး၊ သရက်ခရိုင်၊ အောင်လံမြို့၊ စက်ရုံရပ်ကွက်နေ ဦးနိုင်ဇော် (၄၂)နှစ်သည် ဇာမဏီ အိမ်ဆောက် ပစ္စည်း ရောင်းဝယ်ရေး ဆိုင်တွင်ရှိနေစဉ် ရန်ကုန်တိုင်းဒေသကြီး၊ တောင်ဥက္ကလာပမြို့နယ်၊ (၁၀) ရပ်ကွက်၊ နေသူ တာဝါတိုင်ဆောက်လုပ်ရေးတာဝန်ခံ ရဲမင်းသိုက် (၃၅) ရောက်ရှိလာပြီး လိုအပ်သော ပစ္စည်းများအား အကြွေးစနစ်ဖြင့်ရောင်းချပေးရန်နှင့် ကုမ္ပဏီမှငွေထုတ်ပြီးက ပေးချေမည်ဖြစ်ကြောင်း စာရွက်စာတမ်းများပြသပြီး ယုံကြည်အောင်ပြောဆို၍ ဆောက်လုပ်ရေးပစ္စည်းဘိုးငွေ-၇၈၃၀၉၀၆ိ/-အား ၁၅.၈.၂၀၁၄ ရက်နေ့တွင် သက်သေများရှေ့စာရင်းစာချုပ် ချုပ်ဆိုရောင်းချခဲ့ပါသည်။
ရဲမင်းသိုက်မှ သတ်မှတ်ရက် ကျော်သည့်တိုင် ပစ္စည်းဘိုးငွေများအား ပေးဆပ်ခြင်းမရှိသည့်အတွက် ကုမ္ပဏီသို့မေးမြန်းစုံစမ်းသောအခါ ငွေထုတ်ပေးပြီးဖြစ်ကြောင်း သိရှိရပါသည်။ ၂၀၁၄ ခုနှစ်၊ အောက်တိုဘာလ ၂၉ ရက်နေ့တွင် ရဲမင်းသိုက်အား အရေးယူပေးပါရန် ဇာမဏီ အိမ်ဆောက်ပစ္စည်း ရောင်းဝယ်ရေးဆိုင်ပိုင်ရှင် ဦးနိုင်ဇော်မှ တရားလိုပြုလုပ်တိုင်တန်း သဖြင့် အောင်လံမြို့မရဲစခန်း(ပ)၁၁၅/၂၀၁၄၊ပြစ်မှုပုဒ်မ ၄၂၀ အရအရေးယူဆောင်ရွက်ထားရှိကြောင်း သတင်းရရှိပါသည်။
5:17 PM
0 comments:
Post a Comment