5:33 PM
မကွေးတိုင်းဒေသကြီးဝန်ကြီးချုပ် ဦးဘုန်းမော်ရွှေသည့် စိုက်ပျိုးရေးနှင့်မွေးမြူရေးဝန်ကြီး ဦးအောင်နိုင်၊ တိုင်းဒေသကြီးအဆင့်ဌာနဆိုင်ရာများနှင့်အတူ ယနေ့နံနက်(၈း၃၀)နာရီက မင်းဘူး(စကု)မြို့နယ် ထနောင်းတောကျေးရွာအုပ်စု ကွင်းအမှတ်(၁၁၈၉) ဦးပိုင်အမှတ်(၁၀၀) တောင်သူဒေါ်ဝင်း၏ မိုးစပါးပုလဲသွယ် စံပြ စိုက်ကွက် ရိတ်သိမ်းပွဲသို့ တက်ရောက်အားပေးခဲ့သည်။
မိုးစပါးစံပြရိတ်သိမ်းပွဲတွင် တိုင်းဒေသကြီး စိုက်ပျိုးရေးဦးစီးဌာနမှူးက သိပံနည်းကျစိုက်ပျိုးနည်းစနစ် များအား တောင်သူများအား အသိပညာပေးပြောကြားခဲ့ပြီး စိုက်ပျိုးရေးနှင့်မွေးမြူရေးဝန်ကြီး ဦးအောင်နိုင်က မိမိဒေသနှင့်ကိုက်ညီမည့် အထူးအထွက်တိုးမည့် မျိူးစပါးနှင့် စိုက်ပျိုးနည်းစနစ်များကို ရှင်းလင်းပြောကြားခဲ့ သည်။ ထို့နောက် တိုင်းဒေသကြီးဝန်ကြီးချုပ်မှ တောင်သူများသိသင့်သိထိုက်သည်များကို ရှင်းလင်းမှာကြားခဲ့ ပြီးတောင်သူများ၏ စံပြရိတ်သိမ်းနေမှုအား လိုက်လံကြည့်ရှုအားပေး၍ တောင်သူများအား ရင်းရင်းနှီးနှီး နှုတ်ဆက်ခဲ့ပြီး တောင်သူများ၏ လိုအပ်ချက်များအား တာဝန်ရှိသူများနှင့် ပေါင်းစပ်ညှိနှိုင်းပေးခဲ့ပါသည်။
ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် ပွင့်ဖြူမြို့နယ် တောင်သူ ဦးစန်းဝင်း၏ လယ်(၂)ဧကတွင် ဗီယက်နမ်မျိုးပွားစပါး စိုက်ပျိုးထားမှုအား ကြည့်ရှုအားပေးခဲ့ပြီး စလင်းမြို့နယ် တောဆိပ်ကျေးရွာ ပြည့်ပြည့်၀၀ကုမဏီမှ စိုက်ပျိုးထားသည့် ဖရဲ(၉)ဧကနှင့် သခွားမွှေး(၅)ဧက စိုက်ကွင်း၏ အောင်မြင်ဖြစ်ထွန်းနေမှုအား ကြည့်ရှုခဲ့ပြီး လိုအပ်သည်များအား ညှိနှိုင်းဆောင်ရွက်ပေးခဲ့ပါသည်။
၎င်းနောက် လင်းဇင်းတိုက်နယ်ဆေးရုံသို့ရောက်ရှိပြီး ကျန်းမာရေးဝန်ထမ်းများ၊ လူနာများအားတွေ့ဆုံ ကာ အားပေးစကားပြောကြားခဲ့ပြီးနောက် လင်းဇင်း အခြေခံပညာအထက်ကျောင်းသို့ရောက်ရှိပြီး ဆရာ/မများ နှင့်တွေ့ဆုံ၍ လိုအပ်သည်များအား ဖြည့်ဆည်းဆောင်ရွက်ပေးခဲ့ပါသည်။
0 comments:
Post a Comment