6:53 PM
မကွေးတိုင်းဒေသကြီး၊သရက်ခရိုင်၊ဆင်ပေါင်ဝဲမြို့နယ် လက်ပံကျေးရွာအုပ်စု ရွာလင်းကျေးရွာ၌ မိုးစပါးစံကွက်ရိတ်သိမ်းခြင်းနှင့်ကွင်းပြပွဲကို ယနေ့နံနက် (၀၈း၀၀)နာရီက တောင်သူဦးမြင့်ဆွေ၏ ကွင်းအမှတ်(၈၅၄)၊ဦးပိုင်အမှတ်(၁၅၆)တွင်ကျင်းပသည်။ ကွင်းပြပွဲတွင် ကွင်းအမှတ်(၈၅၄)၊ဗီယက်နမ်ပုလဲသွယ်စပါးမျိုးစံကွက်ကို ရိတ်သိမ်းရာတစ်ဧက (၁၅၆.၂၅)တင်းထွက်ရှိကြောင်းမြို့နယ်စိုက်ပျိုးရေးဦးစီးဌာနမှဝန်တစ်ဦး၏ပြောကြားချက်အရ
သိရသည်။
အဆိုပါ စံကွက်ရိတ်သိမ်းပွဲအပြီးတွင် စိုက်ပျိုးရေးဦးစီးဌာန မြို့နယ်ဦးစီးမှူးဦးအေးနိုင်က ဗီယက်နမ် ပုလဲသွယ်စပါးမျိုးအား စိုက်ပျိုးဖြစ်ထွန်းအောင်မြင်မှုနှင့်ဒေသတို့ကိုက်ညီမှုရှိပြီး (GAP) စနစ်ဖြင့်စနစ်တကျ စိုက်ပျိုးကြရန်လိုအပ်ကြောင်းရှင်းလင်းဆွေးနွေးခဲ့ပြီး တက်ရောက်လာသည့်တောင်သူများက သဘောကျ နှစ်သက်ကြ၍ ထိုစပါးမျိုးအား မျိုးရယူဆက်လက်ဖြန့်ဝေ စိုက်ပျိုးသွားမည်ဖြစ်ကြောင်းသိရှိရသည်။
အခမ်းအနားသို့ မြို့နယ်အုပ်ချုပ်ရေးမှူး ဦးဗိုလ်အောင်မောင်မောင်၊ မြို့နယ်ဖွံ့ဖြိုးတိုက်တက်ရေး အထောက်အကူပြုကော်မတီ ဥက္ကဌဦးသန်းစိုး၊ မြို့နယ်စိုက်ပျိုးရေးညှိနှိုင်းမှု အဖွဲ့ဝင်များ ကျေးရွာရှိ တောင်သူများတက်ရောက်ကြသည်။
Thursday, October 30, 2014
Subscribe to:
Post Comments (Atom)
0 comments:
Post a Comment