မြန်မာယူ(၁၉)အသင်းမှ ကာတာယူ(၁၉)အသင်းဘက်သို့ ဦးဆောင်ဂိုးသွင်းလိုက်စဉ် အော်ဟစ်အားပေးမိသူ ပခုက္ကူမြို့မှပရိသတ်တစ်ဦး သေဆုံး

ပခုက္ကူ၊အောက်တိုဘာ၂၄
    အောက်တိုဘာ(၂၀)ရက်နေ့က  မြန်မာယူ(၁၉)ဘောလုံးအသင်းနှင့် ကာတာယူ(၁၉)ဘောလုံးအသင်းတို့ အာရှယူ(၁၉)ချန်ပီယံရှစ်အကြိုဗိုလ်လုပွဲစဉ် အဖြစ်ယှဉ်ပြိုင်ကစားနေသည်ကို ကြည့်ရှုအားပေးနေသောပခုက္ကူမြို့မှပရိသတ် တစ်ဦး မြန်မာဘက်မှဦးဆောင်ဂိုးသွင်းလိုက်နိုင်သဖြင့် အော်ဟစ်အားပေးစဉ်
 သေဆုံးသွားကြောင်း ပခုက္ကူဒေသခံများထံမှ သိရှိရသည်။
    ဖြစ်စဉ်အားစုံစမ်းရာ မကွေးတိုင်းဒေသကြီး ပခုက္ကူမြို့၊အမှတ်(၁၂)ရပ်ကွက်၊
ဝါးထောင်လမ်းတွင်နေသူ ဦးဌေးအောင်သည်  အောက်တိုဘာလ(၂၀)ရက်နေ့
ည(၇)နာရီအချိန်က ရန်ကုန်မြို့ သုဝဏ္ဏအားကစားကွင်း၌ ယှဉ်ပြိုင်ကစားသည့်
 မြန်မာယူ(၁၉)အသင်းနှင့် ကာတာယူ(၁၉)အသင်းတို့၏အာရှယူ (၁၉) ချန်ပီယံရှစ်
အကြိုဗိုလ်လုပွဲစဉ်အား တီဗွီအစီအစဉ်မှလွှင့်ထုတ်နေသည်ကို ၎င်း၏နေအိမ်အောက်ထပ်ရှိ ပက်လက်ကလားထိုင် တွင် ထိုင်၍ ကြည့်ရှုအားပေးနေစဉ် ပထမပိုင်းပွဲချိန်၌မြန်မာအသင်းမှာ တစ်ဂိုးဂိုးမရှိဖြင့်ဦးဆောင်ဂိုးအသွင်းခံထားရပြီး ဒုတိယပိုင်းပွဲချိန်(၅၅)မိနစ်တွင် ချေပဂိုးတစ်ဂိုးနှင့် ပွဲချိန်(၅၇)မိနစ်တွင် ဦးဆောင်ဂိုးတစ်ဂိုးထပ်မံသွင်းလိုက်နိုင်သောကြောင့် ဝမ်းသာအားရဖြင့် ပက်လက်ကုလားထိုင်ပေါ်ကထ၍အော်ဟစ်အားပေးလိုက်ရာမှကွမ်းသည်းပြီးကုလားထိုင်ပေါ်
သို့လဲကျသေဆုံးသွားခဲ့ခြင်းဖြစ်သည်ဆို၏။
    အသက်(၅၂)နှစ်အရွယ်ရှိသော ဦးဌေးအောင်မှာ ဘောလုံးဝါသနာရှင်တစ်ဦးဖြစ်ပြီးမြန်မာ့ရုပ်သံ မှလွှင့်ထုတ်ပေးသည့်အာရှယူ(၁၉)ချန်ပီယံရှစ်ကမ္ဘာ့ဖလားခြေစစ်ပွဲများဖြစ်သည့် မြန်မာယူ(၁၉)
အသင်း၏ ဘောလုံးပွဲစဉ်များအား မလွတ်တမ်းကြည့်ရှုအား ပေးနေသူတစ်ဦးဖြစ်ကြောင်းသိရသည်။
ထိုနေ့က မြန်မာယူ(၁၉)အသင်းမှာ ကာတာယူ(၁၉)အသင်းအား အချိန်ပိုကစားသည့်အခါတွင်မှအချိန်ပိုပထမပိုင်း၌ တစ်ဂိုးပေးလိုက်ရပြီး (၃ဂိုး၂ဂိုး)ဖြင့်ရှုံးနိမ့်သွားခဲ့ရသော်လည်း မြန်မာယူ(၁၉)အသင်းမှာ ၂၀၁၅ခုနှစ်တွင် နယူးဇီလန်၌ကျင်းပပြုလုပ်မည့် ယူ(၂၀)ကမ္ဘာ့ဖလားဘောလုံးပြိုင်ပွဲသို့မြန်မာနိုင်ငံဘောလုံးအသင်းအနေဖြင့် ပထမဆုံးအကြိမ်ဝင်ရောက်ယှဉ်ပြိုင်ခွင့်ရရှိထားသည့်အသင်းဖြစ်ကြောင်းသိရသည်။
မကွေးသတင်းထောက်